Агенцијата за млади и спорт го најави „Македонскиот бисер“

0

Агенцијата за млади и спорт го најави одржувањето на најголемиот Македонски интернационален турнир во борење „Македонски бисер” кој по 42-ти пат ќе се одржи во Македонија.

Директорот на Агенцијата за млади и спорт Дарко Каевски потенцираше дека традицијата продолжува благодарение на вредните спортски работници од Боречката федерација, а Агенцијата за млади и спорт е секогаш тука да даде поддршка за развој на борењето.

„Борењето е најтрофејниот спорт во Република Македонија, и иако во изминативе години изостанаа големи резултати, интересот кај младите за борење е зголемен, а очигледно со ангажман на раководните луѓе на федерацијата, борењето се враќа на македонската сцена на голема врата”, истакна Каевски.

За деталите околу организацијата и учесниците зборуваа раководните луѓе на федерацијата, кои потенцираа дека оваа година „Македонскиот бисер” ќе биде најмасовен и со најголем број на странски држави и звучни имиња од боречкиот спорт.

Share.

Leave A Reply