Германската фудбалска репрезентација кон крајот на годинава ја очекува настап на Светското првенство во Катар. Таа еден дел од подготовките ќе ги реализира во Оман од 14 до 18 ноември. „Панцирите“ во тој период ќе имаат само еден подготвителен натпревар и тоа со домашната селекција. Истиот е закажан за 16 ноември. Поранешниот светски шампион во првата фаза од Мундијалот ќе биде во група со: Шпанија, Костарика и Јапонија. Прв противник на избраниците на Флик ќе бидат популарните „самураи“.
Author: dino
Килијан Мбапе нема да се појави на утрешната фотосесија на репрезентацијата на Франција Причина за бојкотот на фудбалерот на Пари Сен Жермен е спорот меѓу него и федерацијата околу имиџ правата. Мбапе сака играчите да имаат збор во изборот на брендови кои ќе се поврзуваат со нивните имиња. Новинарот, Робен Берн, тврди дека раздорот не е за пари бидејќи Мбапе секогаш ги донира бонуси од репрезентацијата. Според наведеното, голгетерот не сака да се поврзува со компаниите за спортско обложување или брза храна кои се спонзори на „триколорите“.
Тренерот на фудбалерите на Милан, Стефано Пиоли, вели дека неговите избраници требале да постигнат повеќе голови на дербито со Наполи. „Росонерите“ вчера во улога на актуелни шампиони на Серија „А“, загубија на домашен терен од екипата на нашиот Елиф Елмаз и се спуштија на петтото место на табелата. „Не сум задоволен од играта.Нормално е дека сме сите разочарни бидејќи игравме подобро од Наполи“ – вели тренерот на италијанскиот гигант од Милано.
Осминафинални парови во Купот на Македонија: Струга Трим Љум – Работнички Брегалница – Пелистер Вардар – Фортуна Академија Пандев – Љуботен Победа – Македонија Ѓ.П. Шкупи – Воска Шкендија – Скопје Тиквеш – Силекс Натпреварите ќе бидат одиграни на 5. октомври со почеток во 14. часот.
Стадионот „Џузепе Меаца“ во Милано ќе биде целосно срушен како дел од проектот за новиот стадион на локалните гиганти Интер и Милан, кој треба да биде готов за сезоната 2027-2028, објави денеска „Газета дело спорт“. -Интер и Милан се договорија целосно да го урнат нивниот историски дом“, пишува авторитетниот италијански спортски дневник. Двата клуба на крајот на 2021 година го одобрија проектот наречен „Катедрала“, кој сега мора да помине на јавна дебата.
Италијанските медиуми започнаа со шпекулации околу иднината на тренерот на фудбалерите на Јуве, Макс Алегри, откако екипата од Торино го претрпе и вториот пораз во Лигата на шампионите. Според одредени медиуми, стратегот нема да добие отказ до крајот на сезоната но, челниците на тимот планираат за наредната да го вратат Антонио Конте, кој сега седи на клупата на Тотенхем. Конте кој беше дел од Јувентус од 2011 до 2014 година, засега не сака да потпише нов договор со „Спарси“.
Менаџерот на фудбалерите на Манчестер Јунајтед, Ерик тен Хаг, вели дека Роналдо набрзо ќе биде во неговата препознатлива форма. Португалецот вчера погоди од пенал на натпераварот против Шериф Тираспол во Лига Европа. Тоа е негов прв сезонски гол за „црвените ѓаволи“. „Можете да видите дека е многу блиску до најдобрата форма. Тоа ме прави среќен. Мислам дека му требаше да постигне погодок за да ја врати самодовербата. Сега ќе му биде полесно“ –нагласи холандскиот тренер.
Паоло Дибала кој го постигна водечкиот гол за Рома на вчерашниот меч со Хелсинки во Лигата на Европа, доби пофалба од тренерот на „волчицата“, Жозе Мурињо. Аргентинецот влезе во игра на стартот на вториот дел и веднаш во 47 минута успеа да ги израдува домашните навивачи. „Дибала го постигна првиот гол и тоа го смени ставот на целиот тим. Бевме премногу пасивни но, Дибала веднаш ја промени играта“ – потенцираше Португалецот по победата од 3-0.
Дефанзивецот на Марсеј, Ерик Баји, кој заработи повреда на ногата на мечот со Ајнтрахт (Франкфурт) во Лигата на шампионите, ќе мора да паузира извесен период . 28-годишниот фудбалер почувствува болка на средината на вториот дел и беше принуден да го напушти теренот во 65. минута. Тестовите покажаа дека дефанзивецот има истегнување на тетивата. Баји кон крајот на месецов нема да игра за репрезентацијата на Брегот на Слоновата Коска на пријателските натпревари со Того и Гвинеја.
Младиот фудбалер на Реал Мадрид, Марко Асенсио, кој успеа да постигне гол на мечот со РБ Лајпциг во Лигата на шампионите, во континуитет покажува знаци дека не е задоволен од статусот во „кралскиот клуб“. За погодокот на младиот шпански фудбалер и за неговото однесување, проговори поранешната ѕвезда на „белите“, Предраг Мијатовиќ. „Голот кој го постигна Марко беше извонреден. Дел од навивачите го свиркаат но, тоа е нормално по тоа што го направи“ – нагласи Мијатовиќ.