Тренерот на фудбалерите на Манчестер Јунајтед, Оле Гунар Солскјер, планира да го засили дефанзивниот ред со играчот на Вест Хем, Иса Диоп, кој имаше блескави партии во штотуку завршената сезона.
Францускиот интернационалец во 2018 година го напушти тимот на Тулуз и и за 25 милиони евра се пресели во редовите на „чеканите“. Сега „црвените ѓаволи“ сакаат да понудат за неговите услуги околу 50 милиони евра и плус некој од фудбалерите што се ставени на листата за тренафери.
Доколку набрзо се остварат плановите на норвешкиот тренер, тогаш 22-годишниот фудбалер ќе биде второто летно засилување на „Олд Трафорд“ по ангажманот на Даниел Џејмс од екипата на Свонси.