Ѓоковиќ: „Финале со Надал ? И јас би купил билет за тој меч’

0

Водечкиот тенисер на АТП листата Новак Ѓоковиќ се наоѓа на само една победа до рекордна седма титула во Австралија.

Во полуфиналето Србинот буквално го „прегази“ со 6:0, 6:2, 6:2 Французинот Лука Пуј и во финалето ќе се соочи со големиот ривал во текот на овие години Рафаел Надал.

„Ова беше еден од моите најдобри натпревари. Се во играта ми одеше. Лука е одличен тенисер но лошо го отвори мечот, но му посакувам се најдобро. Тој има квалитети да биде играч од Топ 10 и овој натпревар ќе биде многу важен за него. Минатата година, кога бев повреден, верував дека можам да се вратам на ова ниво. Секогаш верувам во своите способности и тоа ми помага. Пред натпреварот разговарав 45 минути со мојот 4-годишниот син и тој ми посака успех. Сега ми претстои натпревар со Надал, а секоја средба со него е искуство во живот “, рече Ѓоковиќ по победата, додавајќи и малку на шега дека и тој би си купил билет за престојното финале, ако беше обичен фан. „Јас дефинитивно би купил билет за овој натпревар”, изјави Ѓоковиќ во интервју за американската легенда Џим Куриер.

Share.

Leave A Reply