Манчестер Јунајтед можеби ќе му понуди рекорден договор на Пол Погба

0

Се чини дека Манчестер Јунајтед дава се од себе да го задржи играчот за врска Пол Погба во своите редови. Раководството на клубот е подготвено да му понуди рекорден договор на Французинот за да го убедат да потпише повторно, тврди „Мирор“.

Актуелниот договор на 28-годишникот е до јуни 2022 година. Во оваа фаза, преговорите за негово обновување запреа и ова сериозно ги загрижува челниците на „Олд Трафорд“. Затоа сега во Манчестер Јунајтед се меѓу две опции. Првата е сериозно да ја сфатат понудата за Погба, во надеж дека ќе го убедат да потпише повторно. Втората опција е да се започне со преговори во текот на летото. Клубот не ја разгледува опцијата за ослободување на Французинот како слободен агент следното лето.

Пред Манчестер Јунајтед има уште неколку опции бидејќи неколку екипи имаат интерес за Погба. Името на Французинот најчесто се поврзува со Јувентус, Реал Мадрид и ПСЖ. Доколку се постигне опција за продажба на играчот од средниот ред, од „Олд Трафорд“ ќе се обидат да земат што повеќе пари за него, тврдејќи дека нема да го ослободат за помалку од 100 милиони евра.

Погба сериозно ги подобри своите перформанси оваа сезона со „црвените ѓаволи“. Досега има 5 гола и 4 асистенции на 31 натпревар во сите натпреварувања. Сепак, го прогонуваа и повредите, кои на моменти му правеа проблем во одржувањето на формата.

Share.

Leave A Reply