Мануел Нојер го израмни рекордот на Оливер Кан

0

Голманот на Баерн Минхен, Мануел Нојер сега може да се пофали со уште едно значајно достигнување. На натпреварот против Аугсбург (1:0), тој го израмни рекордот на Оливер Кан за најмногу „суви мрежи“ во Бундеслигата. Двајцата не примија гол на 196 натпревари во елитната германска лига.

На синоќешниот меч, домаќините од Аугсбург промашија пенал и тоа му помогна на Нојер да го повтори достигнувањето на Кан. Ова беше само трет натпревар оваа сезона на кој Нојер не прими гол.

„Имаме 39 бода и се наоѓаме на првото место. Беше важно да се вратиме на победите по неколку слаби игри. Сигурно ќе го анализираме нашиот учинок и ќе играме подобро следниот пат”, изјави тренерот на Баерн, Ханзи Флик.

Share.

Leave A Reply