Во Скопје денес се трчаше „Авицена Женска трка“

0

Во организација на Сојуз на Спортови на Скопје и А.К. Работнички, а под покровителство на Град Скопје, денеска се одржа Авицена Женска трка. Трката се трчаше според специјалниот протокол кој што беше одобрен од Комисијата за заразни болести при Министерството за здравство.


Со целосно почитување на мерките за заштита на здравјето и правилата на протоколот, учесничките истрчаа трка од 3 километри, со држење на дистанца и без групирање, со задолжителното носење на маски пред и по трката, редовна дезинфекција на раце и направен термален скрининг. Тие ја стартуваа трката пред главниот влез на А1 Арена – СЦ Борис Трајковски од 8:30 часот, потоа трчаа лево до подвозникот кај Хотелот Александар Палас, каде што свртеа десно во Градскиот Парк каде што патеката беше уредно означена со конуси и траки. Волонтерите ги насочуваа учесничките до самата цел во Градскиот Парк зад Ботаничката Градина.

Оваа година прогласувањето на победничките на Авицена Женска Трка се одржа онлајн поради мерките за безбедност и грижа за здравјето против Ковид-19. Резултатите покажуваат дека од вкупно 500 учеснички, прва до целта стаса Милјана Ристиќ за 10 минути и 34 секунди , веднаш по неа е Весна Кираџиева која ја истрча патеката за 11 минути и 25 секудни, а на третото место според брзината на трчањето е Виолета Шестаков со 11 минути и 47 секунди.

Овој пат освен победничките, победија и дисциплинираноста на учесничките и нивното почитување на мерките и протоколот, а победија и организаторите на Авицена Женска Трка поради безбедното спроведување и организација на трката во време на пандемија.

Share.

Leave A Reply