Клупскиот фудбалски Мундијал прв пат ќе се одигра со 32 екипи а домаќин на првото издание ќе биде САД со 12 стадиони. За престижниот трофеј ќе се борат: Манчестер Сити, Челзи, Реал Мадрид, Атлетико Мадрид, Баерн, Борусија Дортмунд, ПСЖ, Интер, Јувентус, Порто, Бенфика, РБ Салцбург. Преставници на Африка се Ал Ахли, Видад, Есперанс Тунис, Мамелоди Сандаунс а од Азија Ал Хилал, Урава, Ал Аин и Улсан. Северна и Централна Америка ќе ја претставуваат Сиетл, Интер Мајами, Монтереј, Клуб Леон и Пачука а Јужна Америка Ривер Плата, Бока Јуниорс, Палмеирас, Фламенго, Флуминенсе, Ботафого. Од Океанија е само Окланд Сити. Клупскиот шампионат…
Author: dino
Комисијата за натпревари во рамки на Фудбалската федерација на Македонија донесе одлука за одложување на натпреварите од 17. коло во Првата лига кои требаше да се одиграат на 1. декември (недела) со почеток во 13:00 часот. Одлуката е донесена согласно препораките на Министерството за Внатрешни работи поради неодамнешните случувања и настани и спречување на било каков вид на насилство и недолично однесување на спортските натпревари. Комисијата за натпревари ги презакажа одложените натпревари од 17. коло во Прва МФЛ за 3. декември (вторник) со почеток во 13:00 часот.
Тренерот на фудбалерите на Реал Мадрид, Карло Анчелоти, вели дека Килијан Мбапе мора да добие поддршка од тимот за да ја надмине голгетерската криза. Французинот во последните 6 средби постигна само еден гол. „Тимот има проблем и нема стабилност. Мора да направиме се што можеме за да се подобриме“ – вели Италијанецот. „Килијан знае дека мора да игра подобро заедно со сите други. Мора да продолжиме да го поддржуваме“ изјави тренерот на „кралевите“.
Репрезентативецот на Норвешка, Јоханес Клабо, победи во класичниот спринт во скијачко трчање на Светското првенство во Финска. Тој на патеката – Рука успеа да ја добие битката со неговиот сонародник, Ерик Валнес и домашниот натпреварувач, Лаури Вуоринен, кој го обезбеди третото место. Меѓу првите 10-ет трката ја завршија и Дури Нортуг (Норвешка), Нило Моиланен (Финска), Маркус Грат (Шведска), Федерико Пелигрино (Италија), Бенџамин Морес (Австрија), Оскар Вике (Норвешка) и Емил Данилсон (Шведска).
Фудбалерите на Челзи утре ќе го пречекаат составот на Астон Вила во рамките на 13 коло во најсилната лига на Англија. Нивниот менаџер, Енцо Мареска, гледа со пиетет кон колегата од спротивната страна –Унаи Емери. „Вила има врвен менаџер. Тие покажуваат фантастични резултати и имаат многу добри играчи. Ќе биде тешко“ – потенцираше Мареска за сајтот на „сините“. Средбата на стадионот –„Стемфорд Бриџ“ ќе биде одиграна в недела од 14.30 часот.
Фудбалерот на Баер Леверкузен, Џереми Фримпонг, може да добие понуда да се пресели во Ливерпул доколку дефанзивецот, Трент Александер-Арнолд, замине во шпанскиот состав Реал Мадрид. Интернационалецот од Холандија во дресот на бундес-тимот има одиграно 18 средби со ефект од еден гол и седум асистенции. Неговата трансферна вредност е околу 40 до 50 милиони евра.
Новиот тренер на фудбалерите на Манчестер Јунајтед, Рубен Аморим, планира да работи само со сегашниот ростер и нема намера да ангажира нови имиња, објавија дел од медиумите на Островот. Според –„Скај Спорт“, португалскиот стручњак не најавил дека сака да направи трансфери во текот на зимскиот преоден рок. Тој во првите два меча на клупата на „црвените ѓаволи“ има победа против Бодо во Лига Европа и реми со Ипсвич во Премиер-лигата на Англија.
Советникот на Ред Бул во Формула 1, д-р Хелмут Марко, очекува во наредниот шампионат да има многу поинтересна битка за титулата бидејќи дел од возачите ќе бидат активни во нови екипи. Тој проценува дека Макс Верстапен ќе има жестока конкуренција во имињата на Хамилтон и Леклер кои ќе возат за Ферари како и во Норис и Пјастри кои ќе бидат во болидот на Мекларен. „ Доаѓањето на Луис во Ферари ќе биде многу интересен процес и потоа ќе видиме дали Италијанците ќе можат да ја искористат неговата класа“ – вели д-р Марко.
Рубен Аморим не е задоволен од прикажаното на мечот со Ипсвич откако неговиот Манчестер Јунајтед одигра само 1:1. Португалецот во деби-мечот на клупата на „црвените ѓаволи“ не успеа да стартува со победа. „Се чувствував како моите фудбалери да размислуваат премногу пред да донесат одлука. Неколку пати ја губевме топката без да бидеме под притисок“ – вели Аморим. „Во некои ситуации едноставно не реагираме во вистинско време и тоа треба да се коригира што побрзо“ – изјави Аморим.
Фудбалерот од средниот ред на Аталанта, Едерсон, се наоѓа на радарот на Манчестер Јунајтед. „Црвените ѓаволи“ се насочија кон Бразилецот и сериозно размислуваат да испратат понуда во јануари. 25-годишниот играч има договор со Аталанта до 2027 година. Едерсон дојде во Бергамо од Салернитана во 2022 година за 23 милиони евра. Тој досега има 108 настапи, 10 гола и 3 асистенции за италијанскиот клуб.