Манчестер Јунајтед е во листата на заинтересирани тимови за големата ѕвезда на Бетис, Џовани Ло Селсо. Аргентинецот кој настапи за „гаучосите“ и на минатогодишното СП во Русија имаше извонредна сезона во која на 32 меча постигна 9 гола.
Меѓутоа, проблемот е што „Црвените Ѓаволи“ ќе мора да платат многу висока цена за играчот од средниот ред за да може да го доведат на „Олд Трафорд“. ПСЖ се уште има 20% од сопственоста на Ло Селсо, а сумата која Бетис ја бара за него е 100 милион евра.