Килијан Мбапе ќе биде клучен дел од Реал Мадрид во наредните години.
Новинарот Мануел Карењо од радиото Кадена Сер, вели дека спортскиот проект на Реал Мадрид ќе биде изграден околу францускиот напаѓач, кој беше доведен како идна голема ѕвезда на европскиот фудбал ова лето.
„Можеби ќе треба да се донесе некоја одлука следното лето. Ајде да видиме што ќе се случи со Винисиус. И двајцата се добри играчи и треба да најдат меѓусебно разбирање, но постои загриженост во клубот бидејќи нема да биде лесно да се најде решение“, вели Карењо.
Според некои шпекулации Реал е подготвен и да разгледа опција за заминување на Винисиус доколку не успее да профункционира двоецот на „кралевите“.