Организаторите на трката за Големата награда на Азербејџан најавија дека сакаат натпреварувачкиот викенд во Баку да вклучи и саботна спринт-трка следната година. Форматот на спринтерски трки сè уште не е типичен за Формула 1 – квалификациите се одржуваат во петок, во сабота е спринтот на 100 километри, а во недела – класичната трка. ФИА го запре зголемувањето на спринтовите, но планот на Ф1 е бројот на вакви трки од три да се зголеми на шест. Минатата година имаше спринтерски натпревари во Силверстон, Монца и Интерлагос, а оваа сезона првата мина на Имола, а следуваа спринтовите на Ред Бул Ринг и…
Author: saso
Напаѓачот на Баерн (М), Роберт Левандовски по се изгледа ја заврши сагата околу заминувањето од Баварија. Како што објави италијанскиот новинар Николо Шира, 33-годишниот Полјак се договорил со каталонскиот клуб за соработка до 2025 година. Сега Барселона ќе се обиде да ги прецизира деталите од трансферот со неговиот се уште актуелен клуб. Договорот на Левандовски со Баерн е до 30 јуни 2023 година.
Екипите на Ајнтрахт (Ф) и Г. Ренџерс вечерва треба да ни понудат возбудливо финале во Лигата на Европа. Битката за првиот европски трофеј оваа сезона ќе се оидигра од 21 часот на стадионот „Рамон Санчез Писхуан“ во Севиља . Двата тима се подготвени и мотивирани да ја зграпчат својата шанса, бидејќи никогаш во својата историја не победиле на престижното натпреварување. Ајнтрахт го освои Купот на УЕФА во 1980 година, додека Ренџерс го крена трофејот на турнирот КПК во 1972 година. Влогот за двата тима е огромен, бидејќи победникот ќе добие право на учество во групите од Лигата на шампионите и…
Барселона е сериозно заинтересирана за потписот на крилниот напаѓач на Лидс Ј., Рафиња. Според пишувањата на локалните медиуми во каталонија, Барса е подготвена да издвои сериозна сума за да го натера англискиот тим да им го продаде фудбалерот. Каталонскиот клуб веќе понудил 55 милиони евра за 25-годишниот Бразилец и уште 10 милиони во вид на бонуси. Според изворите, самиот Рафиња веќе се договорил со Барселона за 5-годишен договор, само чека „амин“ за реализација на трансферот од неговиот сегашен клуб.
Кошаркарите на Мајами поведоа против Бостон во финалето на Источната конференција во НБА лигата, откако на првиот натпревар синоќа славеа со 118:107. Џими Батлер со 41 поен, од кои 27 постигна во второ полувреме, беше предводник на „жешките“ до премиерната победа во финалето на Истокот. Тој имаше и девет скока, пет асистенции, четири украдени топки и три блокади. За победата придонесоа и Тајлер Хиро со 18 поени и Гејб Винсент со 17 поени. Во тимот на Бостон најефикасен беше Џејсон Тејтум со 29 поени. Во тимот на Бостон поради повреда на стапалото го немаше Маркус Смарт, додека Ал Хорфорд беше…
Германскиот играч за врска од Манчестер Сити, Илкај Гундоан, кариерата би можел да ја продолжи во Барселона. Според италијанскиот новинар Фабрицио Романо, 31-годишниот Германец е мета на интерес кај Барселона и лондонски Арсенал. Гундоан оваа сезона во Премиер лигата забележа 26 настапи за Сити, постигнувајќи шест гола и четири асистенции. Вчера стана јасно дека тој добил информација дека може ова лето да го напушти клубот и да си побара нова средина. Дел од германските медиуми пишуваа дека Гундоан би можел да замине и во американската МЛС лига.
Раководството на Болоња најверојатно преговара со тренерот на украински Шахтјор, Роберто де Зерби, за преземање на тимот следната сезона. Според италијанските новински агенции, актуелниот тренер на италијанскиот клуб Синиша Михајловиќ може да ја напушти функцијата поради здравствени проблеми. Де Зерби е подготвен да го заземе неговото место, со плата од најмалку 2 милиони евра годишно.
Јувентус има две опции како евентуални наследници на Џорџо Киелини во дефанзивата на тимот за следната сезона. Станува збор за двајца дефанзивци од Арсенал и Наполи кои се позиционирани како потенцијални засилувања на стоперската позиција. Станува збор за младиот 24-годишен дефанзивец на Арсенал, Габриел, како и на далеку поскапиот и поатрактивен дефанзивец на Наполи, Калиду Кулибали. Киелини го одигра последниот меч пред навивачите на Јувентус во претпоследното коло на Серија А и најави дека ја завршува долгогодишната кариера во еден од најпопуларните италијански клубови.
Црногорскиот репрезентативец Божо Анџелиќ (30) е новото засилување за ракометниот шампион на Македонија, екипата на Вардар. Тој ќе го носи дресот на Вардар во следната сезона и ќе биде засилување позиција на среден бек. Анџелиќ во Вардар доаѓа од унгарски Ференцварош каде настапува од 2018 година. Договорот со Анџелиќ е потпишан на 1 сезона со можност за продолжување на уште една доколку клубот биде задоволен од неговите игри. Црногорецот е второто засилување во тимот за следната сезона, по Словенецот Нејц Цехте кој доаѓа од Бундеслигата. Анџелиќ е актуелен репрезентативец на Црна Гора и има повеќе од 60 настапи за репрезентацијата…
Македонските девојчиња Илина(15) и Ева(12) Соколовски повторно постигнаа успех во Германија. Македонските сонца се пласираа во финале и сега Илина е меѓу 20те, а Ева меѓу 16те најдобри ритмички гимнастичарки во државата, секоја во својата категорија. На последниот републички натпревар, кој се одржи во Боркен, во близина на холандската граница, Илина го освои бронзениот медал, додека Ева, поради повредите, заврши на шестото место, а победничките од овој натпревар, односно најдобрите 10 девојчиња, влегоа во финале, кое ќе се одржи на 11 и 12 јуни и со овој натпревар завршува сезоната на ритмичка гимнастика. Илина го освои третото, додека Ева шестото.…