Бразилската репрезентација официјално се квалификуваше за Светското првенство следната година, кое ќе се одржи во САД, Канада и Мексико. Ова стана факт откако Бразил минимално го победи Парагвај со 1:0. Единствениот гол за овоој успех го постигна Винисиус Жуниор.
Ова беше прв успех за Бразил под водство на тренерот Карло Анчелоти.
Винисиус постигна гол на крајот од првото полувреме по асистенција од новото засилување на Манчестер Јунајтед, Матеус Куња.
Победата го помести Бразил на третото место во групата со 25 бода по 16 натпревари. Ова им гарантира место во Топ 6, што значи директен пласман за Светското првенство, кое ќе се одржи следната година.
Во исто време, Еквадор одигра нерешено 0:0 против Перу во Лима, но бодот им гарантира и на Еквадорците место на СП.

