Новото засилување на Реал Мадрид, Трент Александар-Арнолд, ја откри причината зошто одлучил да го носи своето име, а не презимето на дресот.
„Доста е едноставно. Со текот на годините патувајќи низ Европа, забележав дека луѓето тешко го слушаат моето име. Тоа се три збора – Трент Александар-Арнолд – и сите ме нарекуваат различно: некои ме викаат Александар, некои ме викаат Арнолд, некои едноставно ме викаат Трент. Па затоа решив да поедноставам. Моето име е Трент – тоа ќе биде напишано на мојот дрес од сега па натаму. Нека сите ме викаат со тоа име“, изјави Трент за „АС“.
Трент Александар-Арнолд се приклучи на Реал Мадрид од Ливерпул. Англискиот фудбалер беше претставен вчера.

