Менаџерот на Арсенал, Микел Артета, верува дека претстојната сезона ќе понуди „најтешка борба за титулата“ досега, бидејќи конкуренцијата во Премиер лигата достигна невидено ниво.
Шпанецот ја започнува својата петта целосна сезона во Северен Лондон и се надева дека ќе ја заврши 22-годишната пауза без шампионска титула, откако „топчиите“ завршија како втори во последните три години.
Арсенал потроши околу 200 милиони фунти за шест нови засилувања ова лето, вклучувајќи го и големиот трансфер на Виктор Ѓокереш од Спортинг (63,5 милиони фунти).
„Конкуренцијата во лигата е нешто што никогаш порано не сме го виделе. За да бидете шампиони, мора да бидете исклучително – нивото што ќе биде потребно е повисоко од сè што сме искусиле“, изјави Артета за „Скај спортс њуз“.
„Тренерите, екипите што се заедно со години, квалитетот и конзистентноста – сето тоа ја прави битката уште потешка.“

