Раководството на Јувентус веќе е во преговори со претставници на турскиот напаѓач Кенан Јилдиз за продолжување на неговиот договор, објавува „Газета дело Спорт“. Тековниот договор на 20-годишниот напаѓач е до 2029 година, но „бјанконерите“ сакаат да го продолжат за најмалку уште една година.
Според информациите, состаноците меѓу двете страни досега биле многу добри и се очекува договор да биде постигнат во наредните недели.
Јилдиз веќе се етаблира како клучен играч во тимот на Јувентус и самиот признава дека Торино и клубот се идеални за неговиот развој. Клубот го гледа младиот талент како идна ѕвезда на светскиот фудбал и потенцијален „бренд“ што може да привлече млади навивачи, а во исто време го цени неговиот стил на игра и квалитетите што ги носи на теренот.
Оваа сезона во Серија А, Јилдиз има 2 натпревари, 4 шутеви, 2 асистенции и 184 минути време за игра, без да добие ниту еден жолт картон, што покажува дека младиот турски напаѓач веќе добро се прилагодува на нивото на италијанската елита.

