Тренерот на екипата на Шкендија, Јетон Беќири, по мечот со Рајо Ваљекано во 1. коло од главната фаза во Конференциската лига на УЕФА, истакна дека е задоволен од посветеноста на фудбалерите и искуството кое тимот го добива од учеството на вакви силни натпревари.
„Знаевме дека играме против многу квалитетен противник, од можеби најдоброто првенство во светот, и нормално со можностите што ги имаме, се обидуваме да го дадеме најдоброто од себе. Генерално, сум задоволен од посветеноста на играчите. Единственото нешто што останува за анализа е нашето лошо прво полувреме и начинот на кој ги примивме головите. Мислам дека во првото полувреме имавме многу почит кон противникот кој ни се наметна некако потсвесно, и поради лигата од која доаѓаат“, вели Беќири.

