Тренерот на Пари Сен Жермен, Луис Енрике, го критикуваше својот тим за тоа што „подарува“ голови на Баерн Минхен и призна дека поразот во Лигата на шампионите можеше да биде многу полош.
Тоа беше прв пораз на бранителот на титулата во натпреварувањето по четири натпревари и само втор пораз во сезоната. Баерн ја забележа својата 16-та последователна победа во сите натпреварувања.
Првиот гол на Баерн дојде по четири минути, а вториот во 32-та минута, двата од Колумбиецот Луис Диаз пред да биде исклучен на крајот од првото полувреме поради сериозен фаул врз Ашраф Хакими.
„Секако дека беа подобри од нас во првото полувреме. Тие создадоа повеќе шанси и им дадовме неколку одлични подароци во првото полувреме“, рече Луис Енрике. „Кога им давате вакви подароци на играчи како него, тие ќе постигнат гол. Не се извинувам, наша одговорност е да се подобриме“ рече Енрике.
Тој не можеше да објасни зошто неговиот тим играше толку лошо, особено во првото полувреме. „Немам објаснување, едноставно се случи. Дадовме неколку подароци. Тие постигнаа два гола, но можеа да постигнат четири. Разочаран сум што го гледам тоа бидејќи очекував да видам подобро ниво од нас. Кога повредените играчи се враќаат, тие не се 100 проценти подготвени и не може д аго дадат својот максимум“, заврши Енрике.

