Националната репрезентација на Куракао постигна историски подвиг, станувајќи најмалата земја што некогаш се квалификувала за Светското првенство. Островската земја, дом на само 156.000 жители, го надмина рекордот на Исланд и за прв пат се квалификуваше за најпрестижниот фудбалски турнир во светот.
Искусниот холандски тренер Дик Адвокат одигра клучна улога во овој успех . Тој ја презеде функцијата главен тренер на репрезентацијата на Куракао во јануари 2024 година.
Клучниот натпревар од шестото коло од квалификацискиот турнир за Светското првенство КОНКАКАФ 2026 против Јамајка беше тој што ја однесе оваа репрезентација на СП. Натпреварот се одигра синоќљ на стадионот „Индепенденс Парк“ во Кингстон, Јамајка, и заврши нерешено 0:0. Овој резултат директно го квалификуваше Куракао за Светското првенство во 2026 година.
.

