Играчот од средниот ред на Барселона, Дани Олмо, ќе отсуствува приближно три недели поради исчашено рамо, соопшти прес-службата на каталонскиот клуб.
Олмо се повреди за време на натпреварот против Атлетико Мадрид (3:1) во 19-то коло од шпанската Примера и беше заменет во 66-тата минута. Тој го повреди рамото додека го постигнуваше голот против Атлетико Мадрид. Шпанецот падна незгодно по ударот и не беше во можност да го продолжи натпреварот.
Олмо веројатно ќе ги пропушти натпреварот од шпанското првенство против Бетис и натпреварот од Лигата на шампионите против германскиот Ајнтрахт Франкфурт.
Оваа сезона, Шпанецот одигра 17 натпревари за Барселона во сите натпреварувања, постигна четири гола и имаше две асистенции.

