Тотенхем загуби 5 натпревари по ред во Премиер лигата. Лондончани за првпат во својата историја немаат победа во Премиер лигата во 11 последователни натпревари.
Синоќа во 29-то коло од Премиер лигата, тимот на тренерот Игор Тудор, играјќи со играч помалку од 38-та минута по исклучувањето на Мики ван де Вен, загуби дома од Кристал Палас (1:3).
Спарси не знаат за победа од 28 декември, кога го победија Кристал Палас со 1-0. Оттогаш, тимот загуби седум лигашки натпревари, вклучувајќи пет по ред, и одигра четири нерешени. Ова е прва таква негативна серија во историјата на клубот.

