Ѕвездата на Барселона, Бразилецот Рафиња, ќе го пропушти четвртфиналето од Лигата на шампионите и барем еден натпревар од полуфиналето поради нова повреда, објавија шпанските весници.
Барселона потврди дека Рафиња има повреда на десниот тетивен мускул и се очекува да остане надвор од терените во период од околу пет недели. Венсикот
„Спорт“ известува дека Барселона е „бесна“ поради повредата, здобиена за време на меѓународниот пријателски натпревар меѓу Бразил и Франција минатата недела.
Играчот веќе чувствувал непријатност пред натпреварот, кој се одржа од другата страна на Атлантикот во Соединетите Американски Држави. Петнеделно отсуство би значело дека Рафиња ќе ги пропушти двата четвртфинални натпревари на Барселона против Атлетико Мадрид во Лигата на шампионите, а ќе го пропушти и првиот натпревар од полуфиналето на Лигата на шампионите доколку Барселона се пласира. Тоа би можело да биде релевантно за Арсенал, со оглед на тоа што „топчиите“ би се соочиле или со Барселона или со Атлетико Мадрид доколку го победат Спортинг Лисабон во четвртфиналето. Рафиња би бил под знак прашалник дури и за реваншот од полуфиналето, под претпоставка дека понатамошните тестови нема да донесат подобри вести за играчот.

