Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Домашен микс»Балканска круна за Македонија во кендо – нова генерација што најавува уште поголеми успеси
    Домашен микс

    Балканска круна за Македонија во кендо – нова генерација што најавува уште поголеми успеси

    risteBy riste27/04/2026No Comments2 Mins Read
    Facebook Twitter Pinterest LinkedIn Tumblr Email

    Македонското кендо испиша нова страница во својата историја, откако сениорската репрезентација го освои златниот медал на 16-тото Балканско првенство, одржано на 25 и 26 април во Белград, Србија.

    До титулата балкански шампион, македонските репрезентативци стигнаа со импресивни настапи и сигурни победи против реномирани селекции како Црна Гора, Романија, Бугарија и Грција, за во финалето да ја совладаат и Турција.

    Покрај екипното злато, остварен е и значителен успех во индивидуална конкуренција, со вкупно осум освоени медали:
    Михаил Миленковиќ (злато), Јована Андоноска (злато), Валисиј Ристески (сребро), Ивона Лазаровска (сребро), како и бронзени медали за Марко Петрески, Максимилијан Климоски, Меланија Крстевска, Гордан Чоланчевски и Пеце Андоноски.
    Успехот беше надополнет и со бронзен медал за јуниорската екипа (Илиоски, Чоланчевски, Крстевски), која е меѓу најмладите на турнирот и претставува силна база за идните генерации и развојот на овој спорт кај нас.

    Златниот сениорски тим го сочинуваа Андреј Александров, Олег Бичковски, Александар Кесковски, Матеј Ивановски и Владимир Пешков – состав кој конечно го направи исчекорот до самиот врв, по неколку години во кои Македонија беше редовен финалист, но без титула.

    Овој резултат доаѓа како потврда за континуитетот и напредокот на македонското кендо, кое веќе има забележителни настапи и на европска сцена. На Европските првенства во Франција и Холандија, Македонија се пласираше меѓу осумте најдобри репрезентации.

    Иако европски медал сè уште е предизвик, од таборот на репрезентацијата се оптимисти дека со ваков тренд, таков успех е достижен во блиска иднина. Следниот предизвик е Европското првенство во Подгорица, во јуни 2026 година, каде Македонија ќе се обиде да го направи следниот голем чекор.

    Share. Facebook Twitter Pinterest LinkedIn Tumblr Email

    Related Posts

    Македонија се запиша во историјата на Младинските олимписки игри Дакар 2026

    16/11/2026

    Ален и Адријан Рустемовски од утре ги започнуваат натпреварите на ЕП ви бокс У-23

    16/11/2026

    Украинецот Захариев е освојувач на 55. „Златен Гонг“

    15/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.