Вечерва се игра финалето на Купот на Македонија во фудбал, а кога се игра финале нема фаворити и аутсајдери. Финалето е еден меч во кој може било кој тим да победи. Секако дека голема улога ќе имаат тренерите, кои треба да ги подготват своите тимови за ваков натпревар кои може да го одлучи само еден потег.
И двајцата тренери, Александар Васоски (Силекс) и Јетон Беќири (Шкендија) се едни од нашите најдобри тренери во изминатите години, тоа го покажаа со резултатите на екипите кои ги предводат. Васоски со Вардар ја освои титулата во сезоната 2019/20, а Беќири со Шкендија минатата 2024/25 сезона.
Но, и двајцата немаат пехар во Купот на Македонија, токму затоа и двајцата имаат голем мотив на вечерашниот дуел.
На Васоски ова му е второ финале. Во првото, како тренер на Брера во 2021 беше поразен од неговиот сегашен тим, Силекс. Значи ова ќе биде негов втор обид за освојување на трофејот. Од друга страна на Јетон Беќири ова ќе му биде прво финале како тренер во Купот на Македонија и ќе се обиде да освои трофеј оваа сезона.
Натпреварот на арената „Тодор Проески“ започнува во 20 часот

