Новак Ѓоковиќ и Јаник Синер решија да го пропуштат претстојниот Мастерс во Торонто, а организаторите јавно побараа промени кои ќе значат намалување на ваквите потези во иднина.
Светскиот рекет број еден и грен-слем рекордерот решија да одмораат во пресрет на Ју-Ес Опен и нема да настапат на турнирот предвиден за периодот од 2 од 13. август, а организаторите велат дека побарале од АТП да направат промени за да ги заштитат тенисерите, но и турнирите и фановите на овој спорт.
– Јасно е дека сме разочарани поради одлуките на Јаник и Новак, посебно што и минатата година го пропуштија изданието во Торонто.
– Ја почитуваме нивната одлука бидејќи здравјето на тенисерите секогаш треба да биде приоритет, а тоа е проблем со ваков густ распоред.
– Откажувањата во последен момент стануваат голем проблем за нашиот спорт, фановите очекуваат да ги видат најдобрите тенисери на ваков турнир кој е од Мастерс 1000 серијата. Веќе разговараме со АТП на оваа сериозна тема и очекуваме промени, – рекла Валери Тетро, директорка на турнирот во Монтреал.

