Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Домашен микс»Пред 80 години КК Работнички го имаше првиот меч
    Домашен микс

    Пред 80 години КК Работнички го имаше првиот меч

    dinoBy dino04/08/2026No Comments3 Mins Read
    Facebook Twitter Pinterest LinkedIn Tumblr Email

    На големиот православен христијански празник Св. Илија и државен празник Илинден, што е еден од клучните темели на идентитетот на македонскиот народ и на Република Македонија како држава, пред 80 години (во 1946) на 2 август, почнало, а следниот ден завршило првото првенство на Македонија во кошарка.

    Според достапните податоци, ова првенство било одржано во рамките на Вториот фискултурен слет. На првенството учествувале три екипи: МАКЕДОНИЈА, РАБОТНИИЧКИ (двата тима од Скопје) и ВАНЧО ПРКЕ (од Штип). По поразот во првиот меч од Работнички со 30:8, првенството го напуштиле кошаркарите на Ванчо Прке.

    На средината на Градскиот стадион во Скопје бил одбележан имровизиран кошаркарски терен, линиите биле исцртани со вар, кошовите биле направени од обично железо и немале мрежички. Натпреварите се играле со одбојкарска топка, која била многу полесна од кошаркарската и тешко се уфрлала во кошот.

    На овој прв официјален кошаркарски натпревар во Скопје по ослободувањето на Југославија, не се суделе лични грешки, ниту технички, а времето се мерело рачно, со штоперица. Немало тајм аут, се играло точно 40 минути, 2 пати по 20 минути. Најважно било да се води правилно топката и, јасно, да се уфрли во кошот. Судел само еден судија. Првенството привлекло големо внимание.

    За Работнички настапиле: Славко Матовски, Драган Луковски, Трајан Ивановски, Борис Анастасов, Атанас Радевски, Војче Димитровски, Илија Ќовкаров.

    За големиот, национален, регионален и европски, квалитет на КК Работнички говорат и следниве факти:

    – на вечната табела на прволигаши во СФРЈ е 11-ти по број на одиграни сезони (18) и одиграни натпревари (420) во најсилната Лига во Европа,

    – три пати заврши на петтото место во елитата во СФРЈ,

    – пред 50 години настапи во полуфиналето на европскиот Куп Радивој Кораќ (ги победи и финалистите) и во првото финале на ју-Купот. Следното наше финале беше во 1983 година. Работнички стигна и до “фајнал – форот” во СФРЈ во 1988,

    – Во сезоната 91/92, што беше последна сезона во СФРЈ, Работнички заврши трет во регуларниот дел во ЈУБА Лигата, по што беше елиминиран од Црвена Звезда во полуфиналето на плеј-офот, а настапи и во полуфиналето на Купот во Ниш каде загуби од идниот победник Партизан.

    – Во самостојна Македонија, Работнички освои рекордни 15 шампионски титули, 10 пати триумфираше во националниот Куп на Македонија и два пати го освои Супер Купот.

    – Во сезоната 1993/94, во четвртата фаза од ФИБА Европскиот Куп, Работнички настапи во една од двете четврфинални групи. Играше во групата А, во која прва заврши Смелт Олимпија, а пред Таугрес кои се пласираа во полуфиналето и финалето, а следните години заиграа и на “фајнал-форот” во Евролигата.

    – Голем успех и во сезоната 2003/2004 во ФИБА Европа Купот. Вкупно настапија 48 екипи,. Во групната фаза, 32 екипи беа поделени во 4 Конференции. Практично,, таа сезона Работнички заврши меѓу најдобрите 8 во овој Куп. Во таа Јужна Конференција, во која настапи и идниот европски првак Фенербахче, Работнички стигна до финалето каде загуби со два поени од победникот Туборг од Турција кој со тоа избори пласман на фајнал-форот.

    – Во сезоната 2008/2009 Работнички стигна до финалето на Балканската “БИБЛ“ Лига, каде загуби од бугарскиот Рилски Спортист.

    Во чест на големиов јубилеј, мошне посветена и професионална новинарска екипа, на чело со уредникот и продуцент Тадеј Здравкоски, водителот Живко Здравкоски и главниот монтажер Марко Манушев, три месеци, со љубов и голем напор, работи на видео серијалот “Легендите говорат“ во кој досега се објавени неколку епизоди на ју-тјуб каналот KK Rabotnicki 1946.

    Share. Facebook Twitter Pinterest LinkedIn Tumblr Email

    Related Posts

    Македонија се запиша во историјата на Младинските олимписки игри Дакар 2026

    16/11/2026

    Ален и Адријан Рустемовски од утре ги започнуваат натпреварите на ЕП ви бокс У-23

    16/11/2026

    Украинецот Захариев е освојувач на 55. „Златен Гонг“

    15/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.