Тренерот на фудбалерите на Галатасарај, Окан Бурук, изрази незадоволство од судиската екипа предводена од Еспен Ескас по поразот од Спортинг Лисабон во меч од Лигата на шампионите.
„Постигнавме рано гол и ја контролиравме топката и играта. Создававме шанси и ги притискавме на нивната половина. Сè одеше добро, но нивниот единствен удар во рамките на голот резултираше со израмнување“ – коментираше Бурук.
„Добро го почнавме и второто полувреме. Но, пеналот, се жалиме на такви работи во Турција а еве тука норвешки судија. Не покажа црвен картон кога требаше а досуди непостоечки пенал – тоа го скрши духот на нашиот тим“ – потенцираше тренерот на Галатасарај.

