Арсенал е пред финализирање на новиот договор со Деклан Рајс, според информациите на Фидбал Трансферс. Англискиот репрезентативец би требало да потпише петгодишен договор, со кој неговата неделна плата би се зголемила на околу 280.000 фунти.
Актуелниот договор на Рајс истекува во 2028 година, но Арсенал има опција да го продолжи за уште една сезона. Клубот сепак сака да постигне целосно нов договор и на тој начин долгорочно да го обезбеди еден од своите најважни фудбалери.
Преговорите би требало да се интензивираат за време на септемвриската репрезентативна пауза. Рајс пристигна во Арсенал во 2023 година од Вест Хем, а во сезоната 2025/26 беше дел од тимот кој ја освои Премиерлигата, првата титула на „топчиите“ по 2004 година.
Интересно е што Рајс не е единствениот играч со кој Арсенал преговара за нов договор. Клубот планира продолжување и со Бен Вајт, додека Микел Артета веќе постигна договор за нова соработка со клубот.
Рајс моментално, според достапните проценки за платите, заработува околу 240.000 фунти неделно, што значи дека новиот договор би претставувал значително зголемување.

