Манчестер Сити во недела гостува кај Ливерпул на „Енфилд“, а тренерот Енцо Мареска би можел за првпат сезонава да го има на располагање својот најсилен напаѓачки квартет. Според проценките, во нападот би требало да стартуваат Џереми Доку и Антоан Семењо на крилните позиции, Рајан Шерки како „десетка“ и Ерлинг Халанд во шпицот.
Доку ги пропушти првите шест натпревари поради повреда на листот, но се врати со 15 минути против Сандерленд и дополнително се одмори за време на репрезентативната пауза. Семењо, пак, ја напушти репрезентацијата на Гана поради отечен глужд, но се очекува одморот да му помогне да биде подготвен за дербито.
Најголемата дилема е Халанд, кој имаше голема минутажа на стартот од сезоната и доби неколку дена одмор поради замор. Шерки, и покрај четирите настапи за Франција, се очекува да биде подготвен.

