Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»Македонија на „Хемпден Парк“ се надева на прекин на црната серија
    Фудбал

    Македонија на „Хемпден Парк“ се надева на прекин на црната серија

    risteBy riste13/11/2026No Comments2 Mins Read
    Facebook Twitter Pinterest LinkedIn Tumblr Email

    Шкотска ја пречекува Македонија во обид да ја продолжи трката за второто место во групата, кое носи бараж за пласман во повисок ранг. Домашната селекција по четири кола има четири бода, со една победа, едно реми и два порази.

    Селекторот Себастијан Покоњоли, кој го наследи Стив Кларк по Светското првенство, сè уште ја бара вистинската формула. Шкотите во претходното коло загубија од Словенија со 2:1, па дуелот со Македонија е особено важен за враќање на самодовербата.

    Македонија, од друга страна, се наоѓа во исклучително тешка ситуација. По четири натпревари има исто толку порази, без постигнат гол и со десет примени погодоци. Селекторот Гоце Седлоски сè уште ја чека првата победа на селекторската функција, а нашата репрезентација има серија од пет порази и 12 натпревари без победа во сите натпреварувања.

    На првиот меѓусебен дуел во Скопје, Шкотска славеше со 2:0, а статистиката беше убедливо на страната на гостите, кои имаа 25 удари кон голот и седум големи шанси.

    Најголемото засилување за Шкотска е враќањето на Скот Мектоминеј, кој ги пропушти претходните четири натпревари поради медицинска интервенција на срцето. Повторно е на располагање и напаѓачот Че Адамс. Шкотите ќе бидат без повредените дефанзивци Стивен Велш и Луис Бинкс.

    Кај Македонија ќе го нема Бојан Миовски, кој не се најде во составот на Гоце Седлоски. Во офанзивниот дел се очекува одговорноста да ја преземат Ељиф Елмас, Енис Барди, Љупче Дориев и Елмин Растодер.

    Покоњоли најверојатно ќе инсистира на агресивен пристап, висок пресинг и користење на брзината по страничните позиции. Посебно опасна може да биде соработката меѓу Мектоминеј и Мекберни, со оглед на физичката моќ на шкотскиот напаѓач и способноста на играчот на Наполи да влегува во завршницата од втор план.

    Македонија ќе мора да биде компактна, да ги затвори просторите меѓу линиите и да се обиде преку Елмас и Барди да воспостави контрола во средниот ред. Најголемиот предизвик за нашиот тим ќе биде да ја прекине серијата без постигнат гол и да покаже поголема офанзивна конкретност.

    Двете репрезентации досега одиграле пет натпревари. Шкотска има три победи, Македонија една, а една средба завршила нерешено. Последното гостување на Македонија во Глазгов, во 2012 година, заврши со 1:1.

    Можни состави:

    Шкотска (3-4-1-2):

    Ган – Хики, Хендри, Бинкс – Доук, Мекгин, Фергусон, Гилмор, Робертсон – Мектоминеј – Мекберни.

    Македонија (4-2-3-1):

    Димитриевски – Илиевски, Меличи, Муслиу, Алиоски – Барди, Елези – Елмас , Гаштаров, Чурлинов – Растодер.

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.