Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»Нови возбудувања во ЛШ, неколку дерби средби не очекуваат вечерва
    Фудбал

    Нови возбудувања во ЛШ, неколку дерби средби не очекуваат вечерва

    risteBy riste07/11/2018No Comments3 Mins Read
    Facebook Twitter Pinterest LinkedIn Tumblr Email

    Синоќа бевме сведоци на неколку супер интересни натпревари и доста голови во Лигата на шампионите, а денеска треба да се одиграат уште 8 натпревари од 4-то коло во групната фаза.

    Несомнено, со најголем интерес се очекува дуелот меѓу Јувентус и Манчестер Јунајтед. Италијанскиот гигант го доби мечот пред две недели на „Олд Трафорд” и ако денес повторно излезе како победник, ќе биде сигурен осминафиналист. За „црвените ѓаволи” е задолжително да се вратат неппоразени од Торино, во друг случај би го загрозиле пласманот понатаму. Во вториот натпревар од групата Валенсија го пречекува Јанг Бојс по серијата разочарувачки натпревари во Ла Лига. Популарните „Лилјаци” сеуште немаат победа во Лигата на Шампионите, но одиграа две нерешени на гостински терен, а денес ќе имаат шанса да направат голем чекор кон второто место.

    Во групата „Е” Баерн Минхен има наизглед лесна задача против АЕК, но баварците се далеку од својата најдобра форма, а и во Атина не беа убедливи и долго не успеваа да го скршат отпорот на домашната екипа. Од друга страна овој викенд им претстои дербито со Борусија (Дортмунд), може да се очекува дека Нико Ковач ќе им даде шанса на дел од резервите. На другиот мечк, Бенфика го пречекува Ајакс. Во првиот натпревар меѓу нив Холанѓаните победија со гол во дополнителното време и водат на табелата, заедно со Баерн. Бенфика само со победа ќе ги задржи реалните шанси за пласман во осминафиналето.

    Група „Ф“ е доста интересна. Манчестер Сити започна со изненадувачки пораз од Олимпик Лион, но потоа забележа две победи и денес ќе бара нов успех против Шахтјор (Донецк), со кој би се зацврстил на првото место. Пред две недели, „граѓаните” ја покажаа класата во Украина и победија со убедливи 3:0. Олимпик Лион игра добро и има 5 поени по првите три натпревари, а ако додаде уште 3 по вечерашниот домашен натпревар против Хофенхајм, со една нога ќе биде во следната фаза.

    Европскиот клубски шампион Реал Мадрид игра доста променливо од почетокот на сезоната, вклучувајќи ја и Лигата на шампионите. Реал гостува на Викторија (Плзен), откако во првиот натпревар против Чесите победија со минимални 2:1. Реал е должен да победи, да не ја писпушти контролата во група и да ја врати својата изгубена самодоверба. ЦСКА (Москва) го пречекува лидерот во оваа група, Рома. ЦСКА ги изненади сите со победата над Реал и се во битка за осмиотфинале. Од друга страна Рома е лидер на табелата со 6 поени и успех во Москва може да им гарантира 90% учество во фазата на елиминации.

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.