Фудбалерот на Рен Хатем Бен Арфа најавил дека ќе го тужи својот поранешен клуб Париз Сен Жермен, соопштија медиумите во Франција.
Тој сака да добие обештетување во висина од 7-8 милиони евро заради исклучувањето од првиот состав на тимот меѓу април 2017 г. и јуни 2018 година, кога му истече договорот со тимот.
Бен Арфа смета дека ако не бил дискриминиран на тој начин ќе добиел многу поголеми бонуси и премии кои му биле дел од договорот кој го имал, како на пример според бројот на одиграни натпревари. Играчот се оправда со статистиките за настапите од претходната година. Тој даде извештај на повеќе од 50 страници.
Еден од примерите за сума од 100 000 евра е за натпреварот во Катар одигран во декември 2017 г., кој фудбалерот го пропуштил. Тогаш тој бил болен и го докажал тоа со медицински документи, но в ПСЖ не обрнале внимание на тоа. Минатата година локалната фудбалска лига одби да го признае неговото барање. Судот треба да се произнесе по случаот до крајот на оваа година.
