Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»Рома и Порто во нова пресметка од Лигата на шамионите
    Фудбал

    Рома и Порто во нова пресметка од Лигата на шамионите

    risteBy riste12/02/2019No Comments2 Mins Read
    Facebook Twitter Pinterest LinkedIn Tumblr Email

    Вечерва во 21:00 часот Рома го пречекува Порто во првиот натпревар помеѓу двата тима од 1/8-финалната фаза на Лигата на шампионите. На прв поглед нема изразит фаворит во овој двомеч и за тим кој сигурно оди понатаму, впрочем секој од противниците има своите амбиции.

    Гостите се заканија дека повторно ќе и го земат скалпот на „волчицата“, како што се случи во претходните два натпревари меѓу овие две екипи по кои Порто беше поуспешен.Единствениот двомеч меѓу Рома и Порто беше во 2016 година и тоа во плеј-офот за пласман во ЛШ кога Порто одигра 1:1 на домашен терен, но победи во Рим со 3:0 и со тоа се пласираше во групната фаза од ова натпреварување.

    Рома нема особено добра сезона во Серија „А”. Избраниците на Еузебио ди Франческо се наоѓаат само на 6-то место на табелата, што е прилично далеку од амбициите на клубот. Од друга страна, сепак Римјаните не се за потценување, бидејќи сите се сеќаваме што направија минатата сезона во Лигата на Шампионите, каде што стигнаа до 1/2-финалето и со малку повеќе среќа можеа да играат и мечот за трофејот.

    Порто сепак ја има самодовербата на двократен шампион во ЛШ. Тие се непредвидлив тим кој секогаш може да направи сензација. И оваа сезона тие се претстават солидно на домашната сцена и водат на табелата во Португалската лига, па сега може спокојно да се посвети поголемо внимание на дуелите во Лигата на Шампионите. Покрај тоа, тие се еден од петте тимови без пораз во ова натпреварување досега.

    Во составот на домаќините ќе недостасува напаѓачот Патрик Шик, кој е со повреда на колкот и отпаѓа од комбинација за денешниот дуел. Тој се приклучи на трајно повредените Диего Пероти и Џенгис Ундер. Во исто време дефанзивецот Костас Манолас веќе е подготвен и се очекува да може да игра. Освен тоа лекарскиот тим ја следи ситуацијата на голманот Робин Олсен, а одлуката дали ќе се појави на голот на Рома ќе биде донесена во последен момент.

    Во составот на Порто проблемите се во нападот, каде поради повреди отпаднаа двајцата главни голгетери на тимот Венсан Абубакар и Муса Марега. Тренерот Серџо Консисао нема да може да го користи и казнетиот полудефанзивец Хесус Мануел.

    Можни состави за мечот Рома – Порто:

    Рома: Миранте, Карсдорп, Меркано, Жезус, Коларов, Џаниоло, Нзонзи, Кристанте, Ел Шарави, Џеко, Клајверт

    Портo: Касиљас, Милитао, Фелипе, Пепе, Тејес, Переира, Торес, Ерера, Отавио, Брахими, Соарес

    Стадион: „Олимпико”, Рим
    Судија: Дани Макели (Холандија)

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.