Првата ѕвезда на фудбалскиот состав Интер, Мауро Икарди, нема да се појави на денешното дерби со лацио во Серија „А“. Напаѓачот кој иамше конфликт со упрвата и навивачите, пред неколку денови се врати во тренинг процес, но, нема да добие шанса да игра против „орлите“ од Рим.
Имено, тренерот на Интер, Лучијано Спалети, откри дека Аргентинецот не влегува во неговите планови за денешниот меч и дека ќе мора да направи посебна анализа на целата ситуација. На тоа реагираше адвокатот на Икарди кој изјави дека не бил информиран за таквиот развој на настаните.
„Откако Икарди се врати на тренинзите максимално ги извршува обврските. Не бев информиран дека ќе биде надвор од составот и затоа не можам да кажам кои се причините“ – истакнал Паоло Николети.

