Од Бенфика официјално потврдија синоќа дека тимот добил неверојатна понуда во висина од 126 милиони евра од Атлетико (Мадрид) за младата ѕвезда Жоао Феликс, а ова беше објавено од португалскиот гигант на клупскиот сајт.
Атлетико Мадрид по секоја цена го сака најталентираниот напаѓач на португалскиот фудбал и мислат дека тоа би можело да биде одлична инвестиција за иднината. Покрај тоа, тимот го напушти нивната поранешна ѕвезда Антоан Гризман, кој ќе го облече дресот на Барселона.
Експертите му предвидуваат светла иднина на 19-годишниот Феликс кого го сметаат за нов Кристијано Роналдо.
„Фудбалски клуб Бенфика сака да соопшти дека доби понуда од страна на Атлетико (Мадрид) во вредност од 126 милиони евра за целосно стекнување на правата на Жоао Феликс”, пишува на официјалниот сајт на клубот од Лисабон.
„Предлогот во моментов се анализира”, додале од Бенфика.
Во принцип клаузулата за откупување на играчот е 120 милиони евра, но во случајот Атлетико Мадрид сака да ја плаќа оваа сума на одреден период, па во таква ситуација екипата на Бенфика може да отфрли оваа понуда.

