17-годишната тенисерка од САД, Аманда Анисимова, нема да се појави на последниот годинашен Грен Слем кој ќе се реализира на терените во Њујорк.
Младата надеж на американскиот тенис го откажа настапот поради смртта на нејзиниот татко кој и беше воедно и тренер. Анисимова која го има 24-то место на светската ВТА ранг -листа се наметнува како една од најталентираните млади тенисерки.
Таа во тековнава сезона дојде до полу-финалето на терените на „Ролан Гарос“ додека во 2017 година триумфираше во игра на двојки на Отвореното првенство на САД.