Македонската футсал репрезентација со пораз ги започна квалификациите за пласман на Светското првенство во 2020 година.
Прв наш противник во спортскиот центар Јане Сандански беше и директниот конкурент за втората позиција, селекцијата на Словенија која ја совлада нашата репрезентација со убедливи 1:6. Македонија го отвори резултатот со голот на Асријан Мицевски во 8.минута, но потоа следуваше пад во играта и два гола за Словенија за предност по првото полувреме од 2:1.
На стартот на вториот дел два брзи гола на Словенија која поведе со 4:1, а остнатоте два гола само ја потврдија доминацијата на Словенија и немоќта на нашите играчи да направат нешто повеќе. Се почувствува недостатокот на двајца многу важни играчи во нашите дерови, Даниел Де Соуса и Петровиќ кои поради повреди ги пропуштаат овие квалификации, па изборот на селекторот Божовиќ беше намален.
Македонија утре во второто коло ќе игра против репрезентацијата на Косово (17:30) додека мечот од последното коло ќе го реализираме в недела од 17:30 часот против Украина. Утрешниот натпревар е важен за да се избегне последното место во нашата група.

