Младите каратисти од Македонија имаа успешен настап на 11-тото светско карате првенство за кадети, јуниори и постари јуниори У21, кое се одржа во Чиле. Од Јужна Америка нашите млади репрезентативци се враќаат со дел од најдобрите резултати во историјата на младинските светски првенства.
Нашиот кадет Бојан Костов во категоријaта -52кг повторно се закити со медал за освоеното трето место. Висок пласман оствари и нашиот најдобар млад натпреварувач во кати Александар Неделковски, кој се бореше за медал, но на крајот заврши како 5-ти.
Во конкуренција на помлади сениорски (У21) Ангела Мојсовска во категоријата -68кг исто така го освои петтото место, додека Вероника Костовска имаше одличен настап и успеа да стигне до четвртото коло, каде загуби од Русинката Ана Родина и откако таа не уепеа да влезе во финалето, Костовска немаше среќа да учествува во репасаж во борба за медалите.

