Менаџерот на Челси, Франк Лампард, го имаше можеби еден од највозбудливите натпревари откако дојде на клупата на лондонскиот клуб. Челзи губеше од Ајакс 1:4, но стигна до 4:4 на натпреварот од групата Х на „Стемфорд Бриџ“.
Гостите од Холандија го завршија мечот со девет играчи. И покрај тоа што Аспиликуета постигна петти гол за Челзи, сепак истиот беше оправдано поништен.
„Тешко е да се зборува после ваков натпревар. Каква анализа, тоа беше луд натпревар. Мислам дека сме тука за тоа – да ги забавуваме луѓето. Секој што ја гледаше оваа средба требаше да си рече: „Леле, ова е голем фудбал“. Респект за Ајакс за овој спектакл. Не мислам дека како играч ми се случило да учествувам на ваков натпревар. Два гола во првото полувреме. На паузата реков дека резултатот ќе биде 3:3 или 4:4 затоа што можев да видам дека сè уште сме во игра.
Нашите напади беа опасни и чувствував дека ќе има повеќе голови. Севкупно, јас не сум задоволен од нашата игра затоа што направивме премногу грешки за натпревар во Лигата на шампионите. Не можам да коментирам за црвените картони затоа што не ги видов ситуациите. Може да се согласам дека нерешениот резултат е добар, но сега сум малку разочаран. Покрај тоа, јас бев изненаден од покажанато дополнително време од само четири минути. Очекував да бидам десет“, коментираше Лампард.

