Раководството на Арсенал стравува дека sвездите на клубот Александар Лаказет и Пјер-Емерик Обамејанг ќе ги разгледаат опциите за напуштање на тимот доколку Унаи Емери остане главен тренер следната сезона, објави„Дејли мејл“.
Некои играчи на лондонскиот клуб имаат сериозни сомнежи во врска со методите на Емери. Многумина веруваат дека тој е премногу конзервативен во неговиот пристап кон игри и стравуваат дека неговата филозофија ќе ги чини многу, а тоа е губење на шансата да влезат во Лигата на шампионите следната сезона.
Напаѓачите Александар Лаказет и Пјер-Емерик Обамејанг не брзаат да потпишат нови договори, затоа што не ги гледаат шансите на клубот да играат на европската сцена. Од овие причини, двајцата играчи чекаат да видат дали ќе играат во ЛШ, но настапот на Арсенал под водство на Емери не ветува такво нешто.
Затоа постојат стравувања дека понатамошните слаби резултати на тимот ќе ги убедат другите играчи да го напуштат Арсенал. Доколку раководството на лондонскиот тим сака да го отпушти Унаи Емери, тогаш ќе мора да му платат на Шпанецот најмалку 5 милиони евра.