Напаѓачот на Манчестер Сити, Габриел Жесус синоќа го запиша своето име во историјата на Лигата на шампионите. Тој постигна хет трик на мечот против Динамо (Загреб) за успехот на неговиот тим од 4:1 на гостувањето во Хрватска.
Така, тој стана најмладиот Бразилец кој постигнал 10 голови во ова натпреварување – тој има 22 години и 252 дена. На овој начин, Жесус го подобрил рекордот на Нејмар, кој постигнал 10 гола во ЛШ кога имал 23 години и 75 дена.
Натпреварот со Динамо ќе остане запаметен за младиот Бразилец од друга причина. По овој натпревар, тој веќе има 101 гол во професионалната кариера. Жесус има 28 гола за Палмеирас, за репрезентацијата на Бразил 18 пати постигнувал голови и уште 55 гола со екипата на Манчестер Сити.
Од почетокот на сезоната, Жесус има 10 гола за Манчестер Сити во сите натпреварувања на 21 одиграни натпревари.

