Габигол како што е познат Габриел Барбоса, од денес и официјално е член на Фламенго. Фудбалерот кој со своите два гола во финишот од финалето му ја донесе титулата во Копа Либертадорес на својот клуб доби можност да потпише постојан договор со својата сегашна екипа.
Интер ќе заработи 17,5 милиони евра, но и 20% од евентуален следен трансфер на 23-годишниот фудбалер. За потписот на овој играч потврдија од самиот клуб на социјалните мрежи. Габриел Барбоса се очекува да заработува по четири милиони евра годишно, до 2024 година, до кога му важи договорот.
Напаѓачот имаше кариера која беше во надолна линија, но со преминот во Фламенго, како да се препороси и одигра 43 натпревари, при што постигна 34 голови и имаше 11 асистенции.

