Напаѓачот на Милан, Кшиштоф Пјонтек има нова понуда, овој пат од Германија од екипата на Херта Берлин. Оваа најнова понуда од германија е само притисок плус за Жозе Мурињо и Тотенхем да ја зголемат својата понуда за да не им пропадне шансата да го донесат полскиот голгетер.
Полскиот интернационалец пристигна од Џенова пред една година за 35 милиони евра, но не ги исполни очекувањата и со доаѓањето на Златан Ибрахимовиќ го загуби местото во тимот.
Бидејќи „росонерите“ платија толку многу за него, тие се подготвени само за комплетна продажба но не за сума под 30 милиони евра. Досега Спарс само се обидоа да го доведат на позајмица, но откако Херта Берлин се вклучи во трката за него, сега веројатно Англичаните ќе извадат и конкретна понуда.

