Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Домашен микс»АМС со мерки за спортистите: Минимална плата за април и мај и нов дополнителен пакет мерки
    Домашен микс

    АМС со мерки за спортистите: Минимална плата за април и мај и нов дополнителен пакет мерки

    risteBy riste05/04/2020No Comments2 Mins Read
    Facebook Twitter Pinterest LinkedIn Tumblr Email

    Најавените мерки на државата за спортистите и спортските работници се донесени на седница на Владата, а Директорот на Агенцијата за млади и спорт Дарко Каевски денеска ги истакна мерките кои државата ќе ги превземе за спортот во времетраење на пандемијата со вирусот Ковид-19.

    „Во време на пандемија на коронавирусот во овие вонредни времиња мора да се донесуваат и вонредни мерки. Токму затоа во изминатите недели бевме фокусирани да го одржиме спортот во нормала по оваа пандемија. Се утврди исплаќање на финаниска поддршка на спортстите, спортските работници, и истата ќе се исплатува врз основ на работен договор на секој оној кој се занимава со дејноста спорт. Тоа се минимална плата од 14.500 денари за месеците април и мај, средства наменети директно за спортистите и спортските работници со цел одржување на своите места во оваа кризна ситуација“, рече Каевски кои ги објасни условите со кои клубовите може да ја побараат оваа помош.

    „Клубовите треба до 15 април да достават барање до националната федерација, а потоа федерациите во рок од 7 дена да доставува барање до АМС“, истакна Каевски.

    Креиран е и дополнителен пакет на мерки, кои ги образложи директорот на АМС.

    „Креиравме и дополнителен пакет мерки, со кои ќе се олесни работата и функционирањето на клубовите во оваа тешка состојба. Помош од АМС ќе добијат клубовите кои имаат регистрирано минимум 40 млади спортисти во индивидуалните спортови, односно 80 млади спортисти во екипните спортови. АМС по завршувањето на оваа пандемија, покрај оваа поддршка, ќе ги финансира програмите на индивудалните врвните спортисти на олимписките спортови. АМС ќе донесе предлог до Владата за 50% за намалување на цената на спортските објекти. Во соработка со федерациите, предложивме да бидат ослободени клубовите од котизација кои мора да ја платат до крајот на оваа 2020 година. Што се однесува до спортските ваучери тие остануваат како мерка за помош на клубовите и федерациите, а по завршувањето на кризата, ние како агенција заедно со мојот тим ќе се вложиме за реализација на спортскиот ваучер како што беше на крајот од минатата година “, дополни Каевски.

    Share. Facebook Twitter Pinterest LinkedIn Tumblr Email

    Related Posts

    Македонија се запиша во историјата на Младинските олимписки игри Дакар 2026

    16/11/2026

    Ален и Адријан Рустемовски од утре ги започнуваат натпреварите на ЕП ви бокс У-23

    16/11/2026

    Украинецот Захариев е освојувач на 55. „Златен Гонг“

    15/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.