Во четвртиот круг од тестирањето на играчите и членовите на тренерскиот персонал во Премиер лигата, никој не даде позитивен тест, но таков не е случајот со второлигашкото друштво. Таму по последниот круг тестови има 10 новозаболени фудбалери.
„Во саботата беа тестирани 1058 играчи и членови на тренерскиот персонал од Чемпионшип лигата, а 10 примероци се позитивни“, објави Англиската фудбалска лига.
Десетте новозаразени се од дури осум клуба од Чемпионшип лигата.
„На оние играчи или вработени во клубовите кои се позитивни, ќе им треба самоизолација во согласност со упатствата за ЕФЛ“, се вели во соопштението.
Престон потврди дека нивниот напаѓач Стокли е позитивен, иако се уште немал симптоми. Останатите клубови засега не се откриени.