Играчот од средниот ред на Виљареал, Бруно Сориано може да го направи долгоочекуваното враќање во игра денес.
Поранешниот шпански репрезентативец не беше на теренот во официјалниот натпревар од мај 2017 година, кога беше стартер против Валенсија. Следеа серија повреди на коленото, кои го оневозможија да настапува цели три години. Сепак, Сориано не се откажа и покрај неговата возраст, тој е подготвен да ја продолжи кариерата. 36-годишниот играч од средниот ред сега е целосно здрав и вечерва ќе биде во составот за натпреварот против Гранада. Тој веројатно нема да биде стартер, но голема е веројатноста да се појави во второто полувреме.

Се очекуваше Сориано да ја пропушти трета последователна сезона, но паузата во Ла Лига поради пандемијата му даде можност да се опорави и да може да игра. Бруно Сориано е вистинска легенда на Виљареал. Тој е тинејџер на клубот и не го носел дресот на друг тим. Своето деби за „жолтата подморница“ го направи во 2006 година и има 317 првенствени натпревари во кои постигна 25 голови.

