Баерн (Минхен) вечерва треба да биде апсолутен фаворит против Олимпик Лион во второто полуфинале од Лигата на шампионите. Она што го покажаа Баварците против Барселона во убедливата победа од 8:2 ги натера повеќето експерти однапред да го прогласат за сигурен победник на турнирот, но со ова нема да се сложат фудбалерите на Руди Гарсија, кои ги елиминираа Јувентус и Манчестер Сити од трката за трофејот во ЛШ.
Ова не е првпат Баерн и Лион да се сретнат во полуфиналето од ЛШ. Во 2010 година, Баварците поминаа со вкупен резултат 4:0, но потоа загубија од Интер. Вкупно овие два тима имаат одиграно 6 натпревари, а билансот е 4 победи за Баерн и 2 за Олимпик Лион.
Дури и по продолжувањето на сезоната во Бундес-лигата, гигантот од Минхен покажаа убиствена форма и ги добија сите нивни натпревари. Во Лигата на шампионите, екипата на Ханзи Флик е исто така бескомпромисна – 6 победи во групата и 2 против Челзи пред историскиот триумф против Барселона.
Гол разликата на Баварците на нивните 9 натпревари од Лигата на шампионите оваа сезона е импресивна 39: 8. 14 од головите ги постигна Роберт Левандовски, а само на мечот со Олимпијакос (2:0) тимот постигна помалку од 3 гола.
Ханзи Флик нема намера да прави било какви промени во својата екипа и ова е повеќе од логично. Мануел Нојер ќе биде на голот, Кимих, Боатенг, Давид Алаба и Алфонсо Дејвис ќе играат пред него. Леон Горецка и Тијаго Алкантара ќе се обидат да наметнат доминација на средина на теренот, а во офанзивната моќ на Баерн покрај Левандовски ќе бидат и Серж Гнабри, Томас Милер и Иван Перишиќ.
Баерн се изедначи со Барселона со 12. Полуфинални натпревари во ЛШ, а господар на Лигата на шампионите е Реал Мадрид со 13.
Сепак, Баварците беа елиминирани во секој од последните 4 пати, кога стигнаа до последниот чекор пред финалето. По водство на Пеп Гвардиола, германскиот гигант беше елиминиран од Реал Мадрид, Барселона и Атлетико Мадрид во 2014, 2015 и 2016 година. Во 2018 година, Реал повторно застана на патот на Баварците.
Лион ги нема традициите на својот моќен ривал, но веќе покажа на целиот свет дека секој што ќе го потцени ќе настрада. Тимот на Руди Гарсија се брани многу несебично, а пред нив ги имаат брзите Мемфис Депај и Муса Дембеле. Французите нема да го изневерат нивниот пристап во играта и вечерва.
Можно е Дембеле повторно да остане на клупата на сметка на Екамби. Гарсија ќе смета на тројца централни дефанзивци и ќе се потпира многу на креативноста на Ауар и Корнет.
Лион не елиминира германскиот тим од 2005 година (3:0 и 7:2 против Вердер Бремен). Руди Гарсија секако се сеќава на поразот од 1:7 на Баерн во 2014 година, кога го водеше тимот на Рома.
Баварците не загубија на последните 14 натпревари надвор од Минхен во Лигата на шампионите (11 победи и 3 нерешени). Историски гледано, Баерн само еднаш беше елиминиран од Французи во елиминационата фаза (0:3 и 2:0 против Сент Етијен за КЕШ во 1969 година).
Можни состави:
Олимпик Лион (3-5-2): А.Лопез; Денајер, Марсело, Марсал; Какре, Дубуа, Гимараеш, Ауар, Корнет; Дембеле, Депај.
Баерн (4-2-3-1): Нојер; Кимих, Боатенг, Алаба, Дејвис; Тиаго, Горецка; Гнабри, Милер, Перишиќ; Левандовски
Судија: Антонио Матеу Лахоз (Шпанија)
Стадион: Жозе Алваладе

