Денес во Охрид беше одржана атлетската манифестација „Охрид трчат“ која традиционално се трча во нашиот најголем туристички центар. Дарио Ивановски и Билјана Кираџиева се победници на првата полумаратонска трка која се одржа во рамките на оваа манифестација.
Во ова четврто издание на „Охрид трчат“ беше организирана и полумаратонска трка на 21 км. Во крајно неизвесна трка во машка конкуренција на крајот триумфираше еден од најдорите македонски атлетичари Дарио Ивановски со време од 1:16.23 часа, за само 12 секунди пред второпласираниот Александар Анчевски. На третото место заврши Милош Ранчиќ со време од 1:17.10 часа, пред Александар Кираџиев и Кокан Ајановски.
Во женска конкуренција победник беше Билјана Кираџиева со време од 1:26.43 часа, а зад неа со само 14 секунди заостанување заврши Милјана Ристиќ. На третото место заврши Адријана Поп Арсова.
На најмасовната 5 километарска трка победија Димитар Петровски со време од 18:54 минути во машка конкуренција, и Бојана Наумовски со време од 23:29 минути.

