Раководството на аргентинскиот клуб Бока јуниорс објави соопштение на официјалната веб-страница во кое објави епидемија на коронавирус во тимот. Најнапред, бројот на позитивни случаи не беше пријавен, но потоа стана познато дека имаат 19 заразени.
„Некои играчи се пожалија на симптоми слични на оние што ги имаат заразените со КОВИД-19. Ден по поплаките ги тестиравме и 19 играчи добија позитивни резултати. Наскоро ќе направиме дополнително тестирање“, се вели во соопштението на клубот.
Интересно е тоа што од 18 до 26 август биле правени неколку тестирања на играчите на Бока Јуниорс и сите биле негативни, а пвите симптоми играчите ги почувствувале на 28 август.
На 17 септември, Бока Јуниорс треба да учествува на натпреварот од купот Либертадорес против Либертад од Парагвај, и ако клубот од Буенос Аирес не може да состави тим за настап, тогаш според правилата на турнирот екипата на Бока Јуниорс може да биде дисквалификувана.

