Милано официјално објави дека потпишаа договор со Сандро Тонали од Бреша. Договорот е во форма на едногодишна позајмица со можност за откупување на истиот.
Се проценува дека клубот платил 10 милиони евра за трансферот и се обрзал за уште 15 милиони евра за купување на играчот, како и дополнителни 10 милиони евра како бонуси. Предвидено е 10% за неговиот сегашен клуб Бреша од следниот трансфер.
Договорот на младиот играч за врска ќе биде на пет сезони со годишна плата од 2 милиони евра. Тој е споредуван со италијанската легенда Андреа Пирло, иако негов идол е уште еден славен играч за врска – Џенаро Гатузо. Затоа тој ќе го носи дресот со број 8, кој му припаѓаше на сегашниот тренер на Наполи.

Тонали долго време се сметаше за сигурно засилување на градскиот ривал Интер, но „оваа екипа се насочи кон други играчи. Тоа му овозможи на Милан да се вклучи во борбата за 20-годишниот фудбалер и брзо да преговара со него и неговиот клуб.
Така, младиот талент го исполнува детскиот сон да го носи дресот на неговиот омилен клуб. Ова го постигна по 89 натпревари со 6 голови и 16 асистенции за својот досегашен клуб Бреша, и покрај неговата возраст. Дефанзивниот играч за врска брзо доби место во репрезентацијата на Италија, каде веќе има 3 натпревари.

