Белгискиот напаѓач Еден Азар ќе го пропушти првиот натпревар на Реал Мадрид од новата сезона во Ла Лига, пренесуваат медиумите во Шпанија.
Тој се жали на повреда на зглобот и нема шанси да се опорави до недела, кога тимот гостува кај Реал Сосиедад. Поради овој проблем, Азар не учествуваше на натпреварите на неговата репрезентација од Лигата на нации пред една недела. Сепак, тој го помина целиот период со неговата селекција, што го налути Реал Мадрид.
Шпанците сакаа тој да се врати и да биде под нивен лекарски третман, но тоа не се случи. Минатата сезона, која беше прва за Азар во дресот на Реал Мадрид тој имаше здравствени проблеми и ја заврши со само еден гол во шампионатот.

